Bakı. Şəhriyar Əlizadə - APA. Biləsuvarda həmkəndlisini bıçaqlamaqda şübhəli bilinən şəxs tutulub.
APA-nın Daxili İşlər Nazirliyinin saytına istinadən verdiyi məlumata görə, sentyabrın 14-də Biləsuvar rayonunun Çinarlı kəndində kənd sakini Kamil Nəsirov münaqişə zəminində həmkəndlisi Tural Şahbazova bıçaqla xəsarət yetirib.
Biləsuvar rayon Polis Şöbəsinin əməkdaşlarının həyata keçirdikləri əməliyyat-axtarış tədbirləri nəticəsində K. Nəsirov tutulub.
Faktla bağlı araşdırma aparılır.