Göyçay. Elvin Yaqubov - APA. Göyçay rayonunda narkotik vasitələrin hazırlanması, saxlanılması və satışı ilə məşğul olmaqda təqsirləndirilən şəxslər tutulub.
APA-nın yerli bürosunun xəbərinə görə, rayonun Şəkər kəndində əməliyyat-axtarış tədbirləri zamanı şübhəli şəxs qismində saxlanılan 1982-ci il təvəllüdlü Abdullayev Davud Aydın oğlunun evinə baxış keçirilib. Oradan 49.7 qram qurudulmuş marixuana aşkar edilərək götürülüb.
Polis əməkdaşları Şəkər kənd sakini 1974-cü il təvəllüdlü Əliyev Eldar Ağasəf oğlunun yaşadığı evin həyətindən isə xüsusi qulluq edilməklə yetişdirilən 3 ədəd çətənə kolu aşkarlayıblar.
Hər iki şəxs saxlanılaraq istintaqa təhvil verilib. Faktla bağlı Göyçay rayon Polis Şöbəsi tərəfindən araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
