Bakı. Aqşin Rafiqoğlu - APA-Economics. Bu ilin yanvar-avqust maşın və avadanlıqların, sair nəqliyyat vasitələrinin, avtomobil, qoşqu və yarımqoşquların istehsalı sahələrində
200,1 mln. manatlıq məhsul istehsal edilib.
Dövlət Statistika Komitəsindən “APA-Economics”ə verilən məlumata görə, əvvəlki ilin yanvar-avqust ayları ilə müqayisədə maşın və avadanlıqların istehsalı 28,1%, nəqliyyat vasitələrinin istehsalı 1,1%, avtomobil və qoşquların istehsalı isə 24,0% azalıb.
Belə ki, ötən 8 ay ərzində Azərbaycanda 370 ədəd minik avtomobili istehsal edilib. Bu, 2014-cü ilin yanvar-avqust ayları ilə müqayisədə 79,1% azdır. Nəticədə bu ilin sentyabr ayının 1-nə 298 ədəd hazır məhsul ehtiyatı yaranıb.
Ötən 8 ay ərzində ölkədə 210 ədəd yük avtomobili istehsal edilib. Bu da əvvəlki ilin müvafiq dövrünə nisbətən 16,7% çoxdur.
Bundan başqa, ötən aylar ərzində 469 ədəd xüsusi təyinatlı kommunal maşınları istehsal edilib. Nəticədə bu ilin sentyabr ayının 1-nə 68 ədəd hazır məhsul ehtiyatı yaranıb.
Yanvar-avqust aylarında 670 ədəd traktor istehsal edilib ki, bu da ötən ilin yanvar-avqust ayları ilə müqayisədə 23,3% azdır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
