Bakı. Fərid Mirzəyev – APA. “Avqust ayında ölkənin bəzi yerlərində aylıq yağıntının miqdarı iqlim normasından bir qədər çox olması proqnozlaşdırılır. Buna görə də avqustun ayrı-ayrı günlərində yağacaq yağışlarla əlaqədar qısa müddətli sel istisna olunmur”.
Bunu APA-ya Ekologiya və Təbii Sərvətlə Nazirliyi (ETSN) Milli Hidrometeorologiya Departamenti Hidrometeoroloji Proqnozlar Bürosunun baş hidroloqu Asif Verdiyev deyib. O bildirib ki, sel hadisəsi lokal leysan yağışları nəticəsində əmələ gələ bilər.
A.Verdiyev qeyd edib ki, indidən hansı çaylarda daşqın və ya selin olacağını söyləmək mümkün deyil: “Əlbəttə ki, belə bir təhlükə olsa, bu barədə əhaliyə xəbərdarlıq olunacaq”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
