Bakı. Musa Əhmədov - APA-Economics. Bu ilin iyunun 1-ə Naxçıvan Muxtar Respublikasının bank və kredit təşkilatları tərəfindən hüquqi və fiziki şəxslərə 36 252,1 min manat məbləğində kreditlər verilib.
Naxçıvan Dövlət Statistika Komitəsindən “APA-Economics”ə verilən məlumata görə, bu 2014-cü ilin müvafiq dövrü ilə müqayisədə 55,2% çoxdur.
Hesabat dövründə banklarında açılmış bank hesablarının sayı 43 745-ə çatıb ki, bunun 40 154-ü və ya 91,8%-i aktiv hesablardır.
2015-ci ilin yanvar-may aylarında açılmış 5 493 bank hesabı aktiv hesablar olub.
Hesabat dövründə muxtar respublikada 116 POS-terminal quraşdırılıb və bu göstərici iyunun 1-ə 983-ə çatdırılıb.