Bakı. Cavid Zeynallı – APA. Xalq artisti Mənsum İbrahimov Türkiyənin Orta Doğu Texnik Universitetində “Azərbaycan xalq musiqisi” adlı konsert proqramı ilə çıxış edib.
APA-nın məlumatına görə, konsert universitetdə təhsil alan Azərbaycan Tələbə Birliyi tərəfindən təşkil edilib.
Səhnədə M. İbrahimovla bir yerdə tələbəsi Vüsalə Rəcəbova da çıxış edib.
Konsertdə xanəndəni əməkdar artistlər - tarda Elçin Həşimov, kamançada Elnur Əhmədov, nağarada isə Siyavuş Kərimov müşayiət ediblər.
Xalq və bəstəkar mahnılarının səsləndiyi konsertdə musiqiçilərə fəxri fərmanlar təqdim olunub.