Şəki. Vüqar Heydərov - APA. Şəki rayonunda üç nəfərin xəsarət alması ilə nəticələnən yol-nəqliyyat hadisəsi baş verib.
APA-nın Şəki-Zaqatala bürosunun məlumatına görə, hadisə bu gün səhər saat 06 radələrində Şəki-Qax magistral avtomobil yolunun Şəki rayonunun Aşağı Göynük kəndi ərazisindən keçən hissəsində baş verib. 1972-ci il təvəllüdlü Zaqatala rayon sakini Ramazan Bədrəddin oğlu Hacıyevin idarə etdiyi “Opel-Asrta” markalı, 99 BX 335 dövlət nömrə nişanlı avtomobil idarəetmənin itməsi səbəbindən yolun kənarındakı çuxura düşüb. Hadisə nəticəsində sürücü, onun həyat yoldaşı Pərvanə Hacıyeva və övladı 6 yaşlı Murad Hacızadə müxtəlif dərəcəli bədən xəsarətləri alaraq Şəki Rayon Mərkəzi Xəstəxanasına (RMX) yerləşdirilib.
Pərvanə Hacıyevanın xəsarəti yüngül olduğundan müayinədən sonra evə buraxılıb. Sürücü və oğlunun vəziyyəti orta-stabil qiymətləndirilir. Onlar müalicələrini davam etdirmək üçün Bakıdakı xəstəxanalardan birinə aparılıblar.
Faktla bağlı araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
