Gürcüstan. Nizami Məmmədzadə-APA. Gürcüstanın Saçxere rayonundakı Spet kəndi sel daşqınları nəticəsində ətraf mühitdən təcrid olunub.
APA-nın Gürcüstan bürosunun məlumatına görə, güclü yağış nəticəsində əmələ gələn sel suları yolları uçurub, nəticədə 30 ailə çətinliklərlə üzləşib.
Məlumata görə, 4 saat davam edən güclü yağış nəticəsində kəndin yaxınlığından keçən çayda daşqınlar əmələ gəlib və evlərin zirzəmilərinə su dolub. Kəndin əkin sahələri sel sularının güclü axını sayəsində yarıtmaz hala düşüb. Hadisə ilə bağlı dəyən zərəri müəyyən etmək üçün komissiya yaradılıb. Yaxın günlərdə kənd yollarının bərpası üçün ehtiyat fondundan vəsait ayrılacaq. Güclü yağış Saçxere rayonunun 7 kəndinə ziyan vurub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
