Marino Gallindo adlı idman jurnalistinin müəllifi olduğu məqalədə Azərbaycanın qədim qitəyə yeni təcrübə yaşadacağı bildirilir. Müəllif Azərbaycanın adının “Atletico de Madrid” futbol komandasının köynəyinin üzərində yer aldığını xüsusi vurğulayır. Qafqaz ölkəsinin bu oyunları keçirməkdə niyyətinin Avropanı bir araya gətirmək, eləcə də dünyaya inteqrasiya və tanınmaq olduğu qeyd edilir.
Jurnalist bu ərəfədə ölkəyə qarşı təzyiqlərin əslində gözlənilən olduğunu bildirir: “Çində keçirilən Olimpiada zamanı bu ölkəyə qarşı təzyiqlər hələ də yaddaşlardan silinməyib. Həmin vaxt ölkəyə qarşı digər siyasi və ya iqtisadi maraqları olan dövlətlər hərəkətə keçmişdi”.
1918-ci ildən bu vaxta kimi Azərbaycanla Ermənistan arasında bir neçə münaqişənin yaşandığını yazan müəllif Dağlıq Qarabağ münaqişəsini misal kimi göstərib. Azərbaycanın Avropa Oyunları ilə bağlı nəinki hər gün, hər saat ciddi səylə çalışdığına diqqət çəkən jurnalist Avropa Olimpiya komitəsinin sədri Patrik Hikkinin hazırlıqlarla bağlı vəziyyətin qənaətbəxş olmasını barədə açıqlamasını qeyd edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
