Bakı. Vüsal Nəbiyev – APA-Economics. Dəniz nəqliyyatı ilə cari ilin yanvar-oktyabr aylarında daşınmış yüklərin həcmi 5,6 mln. ton təşkil edib və əvvəlki ilin müvafiq dövrünə nisbətən 30,3% azalıb.
Dövlət Statistika Komitəsindən “APA-Economics”ə verilən məlumata görə, daşınan yüklərin 67,2%-ni neft yükləri təşkil edib.
Bundan başqa, dəniz limanlarında 7,2 mln. ton yükləmə-boşaltma işləri həyata keçirilib. Yüklərin 94,3%-ni tranzit yüklər təşkil edib.
2015-ci il noyabr ayının 1-i vəziyyətinə limanlarda göndərilmək üçün 102,7 min ton idxal yükləri olub.
Qeyd olunan dövr ərzində bu nəqliyyat növü ilə daşınmış sərnişinlərin sayı əvvəlki ilin müvafiq dövrünə nisbətən 47,2% azalaraq 6,6 min nəfər olub.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
