Bakı-APA. Beynəlxalq institutlar Yunanıstanın təkliflərini yalnız referendumdan sonra dəyərləndirə bilər.
APA-nın Reuters agentliyinə istinadən verdiyi xəbərə görə, bunu Avroqrupun sədri Yerun Deysselblum bəyan edib.
Onun sözlərinə görə, iyulun 1-də, növbəti fövqəladə telekonfrans zamanı Yunanıstanın baş naziri Aleksis Tsiprasın müraciətinə baxılacaq.
Qeyd edək ki, iyulun 5-də Yunanıstanda beynəlxalq kreditorlarla razılaşmaya dair referendum keçiriləcək.
Yunanıstan hökuməti ölkə büdcəsi 2010 və 2012-ci illərdə defoltdan xilas olunduqdan sonra 240 mlrd. avro məbləğində yaranmış borcun nizamlanması ilə bağlı Aİ və Beynəlxalq Valyuta Fondu ilə danışıqlar aparır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
