Tovuz. Azər Məmmədli - APA. Tovuz rayon sakini intihara cəhd edib. APA-nın qərb bürosunun verdiyi məlumata görə, rayonun Əyyublu kənd sakini, 1991-ci il təvəllüdlü Sübhan Mahir oğlu Nağıyev dərmanda zəhərlənmə diaqnozu ilə Tovuz rayon Mərkəzi Xəstəxanaya yerləşdirilib. Tibbi yardım göstərilən 24 yaşlı S. Nağıyevin vəziyyəti ağır olduğundan o reanimasiya şöbəsinə yerləşdirilib.
Məlumata görə, bir müddət əvvəl S. Nağıyevin həyat yoldaşı dünyasını dəyişib. Onun bu itkiyə dözməyərək intihar etmək istədiyi bildirilir.