Bakı. Musa Əhmədov - APA-Economics. 2015-ci ilin martın 1-nə müştərilər tərəfindən banklara yerləşdirilən əmanətlərin həcmi 7 932,7 mln. manat təşkil edib.
“APA-Economics”in xəbərinə görə, bu barədə Azərbaycan Mərkəzi Bankının saytında dərc edilmiş məlumatda qeyd edilib. Ötən ilin analoji dövri ilə müqayisədə bu göstərici 2 341 mln. manat və ya 41,87% çoxdur.
Bununla yanaşı, yanvar ayı ilə müqayisədə fevralda əmanətlərin həcmi 811,4 mln. manat və ya 11,39% artıb.