Bakı. Hafiz Heydərov - APA. Gəncə şəhərində yolu keçmək istəyən piyadanı maşın vurub. APA-nın verdiyi məlumata görə, hadisə şəhərin Nəriman Nərimanov prospektində qeydə alınıb. Şəhər sakini, 2001-ci il təvəllüdlü Rəsul Əsgərzadə yolu keçmək istəyərkən hələ markası məlum olmayan avtomobil tərəfindən vurulub. Sürücü yaralını dərhal Gəncə şəhər Təcili Tibbi Yardım xəstəxanasına çatdırıb. Ona sol bud sümüyünün sınığı diaqnozu qoyulub. Vəziyyətinin orta ağır olduğu bildirilir.
Faktla bağlı Gəncə şəhər Baş Polis İdarəsində araşdırma aparılır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
