Bakı – APA. Ukrayna güc strukturları Donbass bölgəsində separatçıların nəzarətində olan daha üç şəhəri azad edib.
APA-nın UNN agentliyinə istinadən verdiyi məlumata görə, antiterror əməliyyatı nəticəsində silahlı separatçılar Donetsk vilayətinin Karlovka, Netaylivo və и Pervomayskoye yaşayış məntəqələrini tərk etməyə məcbur olub.
Ukrayna Milli Təhlükəsizlik və Müdafiə Şurasının informasiya mərkəzinin spikeri Andrey Lısenko bəyan edib ki, adıçəkilən şəhərlərin icra hakimiyyətləri üzərində Ukrayna bayraqları qaldırılıb.