Bakı. Cavid Zeynalov – APA. “İran, Azərbaycan və Türkiyə arasında strateji tərəfdaşlıq mövcuddur. Bu ölkələrin xarici işlər nazirləri daim görüşlər keçirirlər. Lakin onların işləri çox olduğu üçün görüşlər təxirə salınır. Ümid edirik ki, növbəti görüşün tarixi bəlli olacaq və biz faydalı müzakirələrin şahidi olacağıq”.
Bunu APA-ya açıqlamasında İranın Azərbaycandakı səfiri Möhsün Pak Ayin deyib.
Üç ölkənin xarici işlər nazirlərinin görüşünün prezidentlər səviyyəsində keçirilməsi perspektivinə toxunan səfir qeyd edib ki, XİN rəhbərlərinin görüşü baş tutsa, digər görüşlər də keçirilə bilər: “Əlbəttə ki, prezidentlərin görüşü faydalı ola bilər. Biz həm də iqtisadiyyat nazirləri arasında görüşün keçirilməsini istəyirik. Görüşlərin tarixi hələlik bəlli deyil”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
