Bu gün Bakı Ağır Cinayətlər Məhkəməsində oğurluqda təqsirləndirilən Mobil Ağabalayevin cinayət işi üzrə məhkəmə prosesi başa çatıb.
APA-nın xəbərinə görə, hakim İradə Həsənzadənin sədrliyi ilə keçirilən prosesdə hökm oxunub.
Hökmə əsasən, M. Ağabalayev 7 il müddətinə azadlıqdan məhrum edilib.
Qeyd edək ki, oğurluq hadisə Sabunçu rayonunun Bakıxanov qəsəbəsi, Sülh küçəsində qeydə alınıb. Sabunçu Rayon Polis İdarəsinin 13-cü Polis Bölməsi, Gəncənin Kəpəz rayon Polis İdarəsi əməkdaşlarının keçirdiyi birgə əməliyyat nəticəsində “Ekspressbank” ASC-yə məxsus ödəmə terminalından oğurluq edən 1991-ci il təvəllüdlü Mobil Ağabalayev saxlanılıb. Məlum olub ki, o, "Ekspressbank” ASC-yə məxsus ödəmə terminalının üst qapağını sındıraraq 12 min 801 manat pulu oğurlayıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
