UKraynanın Dövlət Antiinhisar Komitəsi pərakəndə şəkildə yanacaq satışı həyata keçirən bir neçə şirkəti cərimələyib.
"APA-Economics" xəbər verir ki, cərimələnən şirkətlər arasında SOCAR-ın Ukraynadakı törəməsi "SOCAR Petroleum" da var. Qurum SOCAR-ın törəməsini 2,534 mln. qrivna (təxminən 160,402 min manat) məbləğində cərimələyib.
Dövlət Komitəsinin açıqlamasında deyilir ki, cərimələnən şirkətlər antiinhisar qanunvericiliyinin tələblərini pozub.
Qeyd edək ki, qurum ümumilikdə 7 şirkəti 204,325 mln. qrivna məbləğində cərimələyib.