Şəmkir rayonunda piyadanın vurulması ilə nəticələnən yol qəzası baş verib.
APA-nın yerli bürosunun məlumatına görə, hadisə rayonun 20 Yanvar küçəsində qeydə alınıb.
Hərəkətdə olan yük maşını yolu keçmək istəyən 1987-ci il təvəllüdlü Ələkbərov Xəqani Nurəddin oğlunu vurub. Yaralı dərhal xəstəxanaya yerləşdirilib. Onun vəziyyətinin orta-ağır olduğu bildirilib.
Qeyd edək ki, piyadanın ruhi-əsəb xəstəsi olduğu deyilir.
Faktla bağlı Şəmkir Rayon Polis Şöbəsində araşdırma aparılır.