Lənkəranda yük maşını aşıb, iki nəfər xəsarət alıb. APA-nın cənub bürosunun məlumatına görə, hadisə ucqar dağ kəndi olan Biləsərdə baş verib.
Belə ki, yük avtomobili hərəkətdə olarkən təkəri oxdan çıxıb və nəticədə nəqliyyat vasitəsinin aşması zamanı kənd sakinləri - 1989-ci il təvəllüdlü Raqib Rüstəm oğlu Məmmədov və 1982-ci il təvəllüdlü Firdovsi Xudaverdi oğlu Poladov müxtəlif dərəcəli bədən xəsarətləri alıb.
Yaralılar Lənkəran Rayon Mərkəzi Xəstəxanasına gətirilərək travmatologiya şöbəsinə yerləşdirilib.
Faktla bağlı araşdırma aparılır.