Əfqanıstanın şimalında “Taliban” radikal hərəkatının silahlılarının hərbi bazaya hücumu nəticəsində azı 170 nəfər ölüb.
APA-nın xəbərinə görə, bu barədə “Wall Street Journal” qəzeti əfqan məmurlarına istinadən yazıb.
Bundan əvvəl Əfqanıstan müdafiə nazirliyi aprelin 21-də Balx əyalətində baş verən hücum zamanı ölən və yaralananların sayının 100-dən çox olduğunu bildirib. Müxtəlif mənbələr hadisə nəticəsində 130 nəfərin öldüyü barədə məlumat yayıb.
Məlumata görə, bu, 2001-ci ildən bəri “Taliban”çıların hərbçilərə qarşı həyata keçirdikləri ən irimiqyaslı hücumu olub.