Xızı rayonunda ölümlə nəticələnən yol-nəqliyyat hadisəsi baş verib.
APA-nın şimal bürosunun verdiyi məlumata görə, Xızı-Giləzi yolunda “Mercedes” markalı avtomaşın yoldan çıxaraq aşıb. Nəticədə ümumilikdə 6 nəfər xəsarət alıb.
Xızı rayon Polis Şöbəsindən APA-nın yerli bürosuna verilən məlumata görə, iki nəfər aldığı xəsarətdən ölüb. Xəsarət alan digər şəxslər Xızı Mərkəzi Rayon Xəstəxanasına yerləşdirilib. Onlardan 3-ün kimliyi müəyyənləşdirilib. Bunlar Bakı şəhəri, Biləcəri qəsəbəsi sakinləri -1979-cu il təvəllüdlü Allahverdiyev Eldəniz Əlyar oğlu, 1964-cü il təvəllüdlü Nəzərov Əfqan Mirzəağa oğlu və 1992-ci il təvəllüdlü Asim Çingiz oğludur. Müvafiq tibbi yardımdan sonra həmin şəxslər Sumqayıtda yerləşən tibb müəssisələrindən birinə aparılıb.
Daxili İşlər Nazirliyinin mətbuat xidmətindən APA-ya bildirilib ki, yanvarın 23-də saat 22. radələrində Xızı rayonunun Giləzi qəsəbəsində Bakı şəhər sakini Bəhməniyar Məmmədqasımovun idarə etdiyi "Mercedes" markalı avtomobil aşıb. Nəticədə onun sərnişinlərindən Elçin adlı şəxs hadisə yerində ölüb, özü və 4 sərnişini xəstəxanaya yerləşdirilib. B. Məmmədqasımov isə xəstəxanada ölüb.
Faktla bağlı Xızı rayon Polis Şöbəsində araşdırmalar davam etdirilir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
