Bakı. Məlahət Nəcəfova - APA. Rusiyanın 2014-cü ildə G8-ə sədrliyi ilə əlaqədar Vladimir Putin “böyük səkkizlik” dövlət və hökumət başçılarının görüşlərinin Soçidə keçirilməsi ilə bağlı qərar imzalayıb.
APA-nın Kremlin rəsmi saytına istinadən verdiyi xəbərə görə, Putin həmçinin Rusiya Prezident Administrasiyasının rəhbəri Sergey İvanovu Rusiyanın G8-də sədrliyi dövründə təşkilatçılıq işləri ilə bağlı komitəyə sədr təyin edib. Daha öncə bu vəzifəni Moskva meri Sergey Sobyanin icra edib.
“Böyük səkkizlik” - Böyük Britaniya, Almaniya, İtaliya, Kanada, Rusiya, ABŞ, Fransa, Yaponiya hökumətlərini birləşdirən beynəlxalq klubdur. Klubun dünyanın iqtisadi böhrandan çıxmasına həsr olunmuş növbəti görüşü 2013-cü ilin mayında Böyük Britaniyada keçiriləcək. Həmin görüşdə kluba sədrlik Rusiyaya ötürüləcək.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
