Sosial

Ana səhifə

Sosial

Səməd Seyidov ABŞ-ın Azərbaycandakı müvəqqəti işlər vəkili ilə görüşüb - FOTO

Səməd Seyidov ABŞ-ın Azərbaycandakı müvəqqəti işlər vəkili ilə görüşüb - <font color=red>FOTO</font>

11 may 2012 09:34 (UTC +04:00)

Bakı-APA. Azərbaycan Dillər Universitetinin (ADU) rektoru, millət vəkili, professor Səməd Seyidov ABŞ-ın Azərbaycandakı müvəqqəti işlər vəkili Adam Sterlinqlə görüşüb. ADU-nun mətbuat xidmətindən APA-ya verilən məlumata görə, görüşdə ABŞ-la Azərbaycan əlaqələrinin hazırkı inkişafı, ADU ilə Amerika universitetləri arasında mövcud əməkdaşlıq, ADU-dakı Amerika mərkəzinin fəaliyyəti haqda fikir mübadiləsi aparılıb. Səməd Seyidov Azərbaycan - ABŞ münasibətlərinin yüksək səviyyədə olduğunu, ADU-nun ABŞ universitetləri ilə əlaqələrinin bu istiqamətdə inkişaf etdirdiyini deyib. ADU-dakı İnformasiya Resurs Kompleksinin, o cümlədən Amerika mərkəzinin fəaliyyətindən danışan rektor bildirib ki, Amerika mərkəzinin ADU-da yerləşməsi universitetin imicini gücləndirir: “ABŞ-la münasibətlər çox vacib və əhəmiyyətlidir”.

O, bu sahədə ABŞ-Azərbaycan parlamentlərarası dostluq qrupunun fəaliyyətindən də bəhs edib, eyni zamanda ABŞ səfirliyi ilə ADU arasında olan əməkdaşlıqdan və ikitərəfli əlaqələrdən məmnun olduğunu dilə gətirİB.

Adam Sterlinq ABŞ-Azərbaycan münasibətlərinin inkişafını yüksək qiymətləndirdiyini deyib. Azərbaycanın ABŞ-da təbliği üçün bir sıra layihələrin reallaşdırılmasından əminliyini ifadə edən A. Sterlinq səfirliklə əməkdaşlıq çərçivəsində ADU-da bir sıra birgə tədbirlərin keçirilməsindən və tələbələrlə ünsiyyətdən razı qaldığını açıqlayıb.

ADU _ Sterlinq