Bakı. Rəşad Süleymanov – APA. Azərbaycan Ərazilərinin Minalardan Təmizlənməsi üzrə Milli Agentliyin (ANAMA) direktoru Nazim İsmayılov Brüsselə - NATO baş qərargahına səfər edib. Bu barədə APA-ya ANAMA-dan məlumat verilib.
Noyabrın 6-da başlamış və 10-dək davam edəcək səfər çərçivəsində N. İsmayılov NATO-nun Siyasi və Tərəfdaşlıq Komitəsinin toplantısına qatılacaq. Orada “Ceyrançöl” layihəsi barədə hesabatla çıxış edəcək. Layihənin prezentasiyası keçiriləcək. ANAMA direktoru NATO Sülh Naminə Tərəfdaşlıq Fondunun (PfP Trust Fund) donorları ilə də görüşəcək.
Səfər çərçivəsində N. İsmayılovun NATO İnteqrasiya, Tərəfdaşlıq və Əməkdaşlıq Direktoratlığının rəhbəri, NATO əməliyyatlar şöbəsinin rəisi, Türkiyənin NATO-dakı yeni səfiri ilə görüşləri olacaq.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
