Bakı. Hafiz Heydərov - APA. NATO ilə Azərbaycan arasında imzalanmış fərdi proqrama uyğun olaraq fevral ayında keçiriləcək tədbirlərin siyahısı açıqlanıb.
Müdafiə Nazirliyinin mətbuat xidmətindən APA-ya verilən məlumata görə, fevralın 3-dən 6-dək Varşava şəhərində (Polşa) NATO Təlimlərinin sinxronlaşdırılması konfransı, fevralın 3-dən 7-dək Oberammerqau şəhərində (Almaniya Federativ Respublikası) "Quru Qoşunlarının döyüş hazırlığının qiymətləndirilməsi" kursu və Azərbaycan-ABŞ iş planına əsasən Sofiya (Bolqarıstan) şəhərində "Saber Guardian-2014" təliminin yekun planlaşdırma konfransı keçiriləcək.
Tədbirlərdə Azərbaycan Silahlı Qüvvələrinin nümayəndələri iştirak edəcək.