Bakı. Aqşin Rafiqoğlu - APA-Economics. Bu ilin birinci rübü ərzində “Şahdəniz” yatağı üzrə fəaliyyətlərə təqribən 0,1 mlrd. dollar əməliyyat xərcləri və 1,1 mlrd. dollar əsaslı xərclər çəkilib. Əsaslı xərclərin böyük əksəriyyəti “Şahdəniz Mərhələ 2” layihəsinə aiddir.
Layihənin operatoru “BP-Azerbaijan” şirkətindən “APA-Economics”ə verilən məlumata görə, 2014-cü il ərzində “Şahdəniz” yatağı Azərbaycan Dövlət Neft Şirkətinə (SOCAR), Gürcüstan Dövlət Neft-qaz Şirkətinə (GOGC), Bakı-Tbilisi-Ceyhan şirkəti və Türkiyənin BOTAŞ şirkətinə bazarları üçün qaz hasilatını davam etdirib. Bu dövr ərzində yataqdan 2,6 mlrd. standart kubmetr qaz və 0,6 mln. ton (təqribən 5 mln. barel) kondensat hasil edilib.
Mövcud “Şahdəniz” qurğularının maksimum hasilat gücü gündə 29,5 mln. standart kubmetr və ya ildə təqribən 10 mlrd. kubmetrdir.
Qeyd edək ki, “Şahdəniz”də BP (operator - 28,8%), AzŞD (10%), “Cənub Qaz Dəhlizi Apstrim” (6.7%), “Petronas” (15,5%), “Lukoil” (10%), “Niko” (10%), və TPAO (19%). iştirak payları mövcuddur.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
