Bakı - APA-Economics. “Azərbaycan Kredit Bankı”nın İdarə Heyətinə yeni üzv seçilib.
Bankdan “APA-Economics”ə verilən məlumata görə, Cavid Zeynalov bankın İdarə Heyəti sədrinin müavini təyin olunub.
Bildirilir ki, C. Zeynalov vəzifəsinin icrasına mayın 1-dən başlayıb.
Qeyd edək ki, bu təyinata qədər C. Zeynalov “Bank BTB”nin problemli kreditlər departamentinin direktoru vəzifəsində çalışıb.