Bakı. Yeganə Laçınzadə - APA-Economics. “Prezident İlham Əliyev Azərbaycan Beynəlxalq Bankının (ABB) özəlləşdirilməsi ilə bağlı konkret tapşırıqlar verib. Tapşırıqlara bankın sağlamlaşdırılması, toksik aktivlərin bankın balansından çıxarılaraq "Aqrarkredit" bank olmayan kredit təşkilatına satılması daxildir".
"APA-Economics" xəbər verir ki, bu barədə maliyyə naziri Samir Şərifov bildirib.
"Biz bu prosesi artıq başlamışıq. Bankın maliyyə durumu yaxşılaşdırılmalıdır. Toksik aktivlərin əldə edilməsindən sonra onların ya satılması baş verəcək. Bunun üçün xüsusi komissiya yaradılacaq. Satış mümkün olmadıqda isə aktivlərin maraqlı istiqamətlərə yönəldilməsi nəzərdə tutulur", - deyə S. Şərifov qeyd edib.
Nazir əlavə edib ki, toksik aktivlər tam təmizləndikdən sonra bank özəlləşdirməyə tam açıq olacaq.