Bakı. Könül Kamilqızı – APA. Son illər ərzində Azərbaycanın beynəlxalq səviyyədə rəqabətli və keyfiyyətli təhsil alan mütəxəssislərinin sayı kəskin şəkildə artıb.
APA-nın xəbərinə görə, bunu təhsil naziri Mikayıl Cabbarov Azərbaycan Diplomatiya Akademiyasında “Yerli və beynəlxalq təhsil təcrübələrinin yaxınlaşması” mövzusunda keçirilən Təhsil siyasəti və tədqiqat forumunda çıxışı zamanı deyib. O bildirib ki, yalnız “Azərbaycan gənclərinin xaricdə təhsili üzrə Dövlət Proqramı” çərçivəsində 3500-dən çox tələbə xaricdə təhsil alıb, minlərlə tələbə isə müxtəlif digər proqramlar, öz hesabları, digər xarici dövlətləri tərəfindən təqdim edilən təqaüdlər hesabına təhsil alıb: “Bu gün qarşıda duran vəzifələrin həllində bu potensialdan yaralanmalıyıq. Aparıcı təcrübənin bizim kontekstə uyğunlaşdırılması və tədqiqində keyfiyyətli təhsil alan gənclərin rolu əvəzolunmazdır”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
