Bakı – APA. Qadın voleybolçular arasında Avropa çempionatının pley-off mərhələsinə start verilib. Apasport.az saytının məlumatına görə, ilk qarşılaşmalar çərçivəsində Azərbaycan millisi Slovakiya yığmasını qəbul edib.
6-cı dəfə final mərhələsinin bir addımlığında olan komandamız rəqibinə heç bir şans verməyib. Voleybolçularımız hər 3 seti xeyrinə başa vuraraq, mayın 30-da baş tutacaq səfər oyunu öncəsi böyük üstünlük əldə ediblər.
İlk dueldə millimizin ən məhsuldar oyunçusu Polina Rəhimova olub. Təmsilçimiz rəqibi 23 dəfə cəzalandırıb.
Pley-off mərhələsinin digər cütündə isə Fransa evdə gözlənilmədən Sloveniyaya məğlub olub. Komandalar cavab görüşünə mayın 29-da çıxacaqlar.
Bu komandalardan fərqli, Belarus yığması final mərhələsinə vəsiqəni təmin edib. Onlar Brestdə Ukrayna millisi ilə keçirdikləri matçlarda üstünlük qazanıblar. İlk oyunda 3:0 hesabı ilə qalib gələn belaruslular cavab oyununda 2:3 hesabı ilə uduzsalar da, set fərqinə görə mərhələ adlayıblar.
Avro-2015
Pley-off mərhələsi, ilk oyunlar
23 may
Azərbaycan – Slovakiya – 3:0 (25:22; 25:18; 25:23)
Hakimlər: İlhami Şenyurt (Türkiyə), Alim Batyuk (Ukrayna)
Bakı, Voleybol Mərkəzi
Fransa – Sloveniya – 1:3 (25:17; 27:29; 21:25; 19:25)
Ukrayna - Belarus – 0:3 (19:25; 20:25; 16:25)
24 may
Belarus – Ukrayna – 2:3 (26:28; 21:25; 25:20; 25:11; 14:16)
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
