ABŞ müdafiə naziri Ceyms Mattis Türkiyənin Suriyanın Afrin bölgəsindən həyata keçirdiyi hərbi əməliyyata münasibət bildirib.
APA-nın "Hürriyet"ə istinadən verdiyi xəbərə görə, C. Mattis Cənub Şərqi Asiya regionuna səfərə gedərkən təyyarədə media nümayəndələrinin suallarını cavablandırıb. Pentaqon rəhbəri qeyd edib ki, Türkiyə önəmli NATO müttəfiqidir: "Türkiyənin legitim təhlükəsizlik qayğıları var".
C. Mattis əməliyyatdan əvvəl Türkiyənin ABŞ-ı məlumatlandırdığını söyləyib: "Türkiyə açıq davrandı və hava əməliyyatından öncə bizi xəbərdar etdi".
Nazir bölgədəki ABŞ hərbçilərinin təhlükədə olmadığını da əlavə edib.