Bu gün Bakı Ağır Cinayətlər Məhkəməsində qətl törətməkdə təqsirləndirilən Nazilə Qulubəyovanın cinayət işi üzrə məhkəmə prosesi davam etdirilib.
APA-nın xəbərinə görə, hakim Novruz Kərimovun sədrliyi ilə keçirilən prosesdə şahidlər ifadə verib. N. Qulubəyovanın qayınanası Natalya Qulubəyova deyib ki, təqsirləndirilən şəxs ilk vaxtlar normal davranıb: "Lakin sonradan davranışlarında müəyyən dəyişikliklər baş verdi. Biz heç nə anlaya bilmirdik. Biz elə bildik ki, onun xarakterində dəyişiklik olub. Nazilənin heç nəyə həvəsi yox idi - oxumağa, yazmağa, işləməyə. Ancaq öz dünyasına qapılmışdı".
Sonra məhkəmə istintaqının başa çatdığı elan olunub.
Prokruror çıxış üçün məhkəmədən vaxt istəyib.
Proses sentyabrın 12-də davam etdiriləcək.
Qeyd edək ki, xristian yönümlü təriqətin üzvü olan 1983-cü il təvəllüdlü Nazilə Qulubəyova 5 yaşlı oğlu Fərid Quluzadəni boğaraq qətlə yetirib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
