Vaşinqtonda Türkiyə prezidenti Rəcəb Tayyip Ərdoğanın tərəfdarları və əleyhdarları arasında qarşıdurma baş verib.
APA-nın RİA "Novosti”yə istinadən verdiyi xəbərə görə, toqquşmalar Türkiyə səfirinin iqamətgahı yaxınlığında baş verib.
Məlumata görə, insident nəticəsində 9 nəfər xəsarət alıb. Xəsarət alanlardan ikisinin vəziyyətinin ağır olduğu bildirilir. Polis toqquşmaların baş verdiyi ərazini nəzarətə götürüb. Saxlanılanlar barədə məlumat verilmir.
Qeyd edək ki, Ərdoğan Vaşinqtonda rəsmi səfərdədir.