Bu gün Bakı Ağır Cinayətlər Məhkəməsində dələduzluqda təqsirləndirilən Elmir Abdullayevin cinayət işi üzrə məhkəmə prosesi başa çatıb.
APA-nın məlumatına görə, hakim Rasim Sadıqovun sədrlik etdiyi iclasda hökm oxunub. Hökmə əsasən, E. Abdullayev 8 il müddətinə azadlıqdan məhrum edilib.
Qeyd edək ki, E. Abdullayev tanışından dəyəri 22 min manatdan çox olan qızılı satmaq adı ilə alaraq ələ keçirib.
O, Cinayət Məcəlləsinin 178-ci (dələduzluq) maddəsi ilə ittiham olunub.