Gürcüstan. Nizami Məmmədzadə - APA. Gürcüstanın Sadaxlı gömrük-keçid məntəqəsində Ermənistan vətəndaşından 10 kiloqramdan çox qızıl götürülüb. APA-nın Gürcüstan bürosunun məlumatına görə, bu barədə Gürcüstan Gəlir Xidmətindən bildirilib. Gəlir Xidmətinin məlumatına görə, Sadaxlı gömrük keçid məntəqəsində gömrük əməkdaşları şübhə əsasında yoxlamaq məqsədilə Ermənistan vətəndaşı M.A-nı saxlayıblar. Saxlanılan şəxs Ermənistan tərəfdən Gürcüstana keçib. Baxış zamanı onun kəmər yerinə bərkidilən, gömrükdən gizlədilən 10,500.79 qram qızıl aşkarlanıb.
Gürcüstan Maliyyə Nazirliyinin istintaq qrupu faktla bağlı araşdırma aparır.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
