Gürcüstan. Nizami Məmmədzadə-APA. Gürcüstanın baş naziri Giorgi Kvirikaşvili və Böyük Britaniyanın xarici işlər naziri Filip Hammond ilə birgə Rustavi yaxınlığından keçən “Şahdəniz-2” layihəsinin ikinci mərhələsinin tikintisinə baxış keçiriblər.
APA-nın Gürcüstan bürosunun məlumatına görə, bu barədə baş nazirin mətbuat xidmətindən bildirilib.
“Şahdəniz-2” layihəsinin tikintisindən sonra qaz boru kəmərinin gücü 16 milyard kubmetr artacaq. Boru kəməri Xəzər dənizindən Türkiyədən keçməklə Avropaya ötürüləcək.
Layihəyə əsasən, 2018-2019-cu ilərdə Gürcüstan təbii qazın həcmi artırıldıqdan sonra aşağı qiymətlə qaz alacaq. Gürcüstan “Şahdəniz-2” layihəsinə iki milyard dollar vəsait yatırıb. Layihə çərçivəsində görülən işləri "BP" şirkəti həyata keçirir.
Qeyd edək ki, Böyük Britaniyanın xarici işlər naziri Filip Hammond martın 30-da Gürcüstana səfər edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
