Bakı. Türbət Bağırova - APA. Martın 13-də Çex Respublikası parlamentinin sədri Yan Xamaçek Azərbaycana səfər edəcək.
APA-nın xəbərinə görə, bunu Çex Respublikasının Azərbaycandakı səfiri Vitezslav Pivonka deyib. O bildirib ki, səfər martın 15-dək davam edəcək: “Təhsil nazirimizin Azərbaycana səfəri ilə bağlı da hazırlıq işləri aparılır. Səfərlə bağlı hazırlıq işləri demək olar ki, yekunlaşmaq üzrədir”.
Səfir müdafiə nazirinin səfərinə də hazırlıq aparıldığını söyləyib: “Təhsil və müdafiə nazirlərinin səfərlərinin ilin birinci yarısında olmasını istərdik. Təhsil bizim ucun çox vacib sahədir. Bilirsiniz ki, Bakı Slavyan Universitetində çex dilində təhsil alan tələbələr var. Bu tələbələr bizim universitetlərdə pulsuz oxuya biləcək və təqaüd alacaqlar”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
