Moskva. Fərid Əkbərov - APA. Suriyanın hökumət ordusu Rusiya aviasiyasının dəstəyi ilə son həftədə Hələb əyalətinin beş yaşayış məntəqəsini azad edib.
APA-nın Moskva müxbirinin verdiyi məlumata görə, bu barədə bu gün keçirdiyi brifinqdə Rusiya Silahlı Qüvvələri Baş Qərargahının Baş Əməliyyat İdarəsinin rəisi, general-leytenant Sergey Rudskoy bildirib.
O, Rusiya aviasiyasının dekabrın 24-də Suriyada terrorçuların mövqelərinə 189 zərbə endirdiyini söyləyib.
Ümumilikdə sentyabrın 30-dan bu günə kimi 5240 döyüş uçuşunun keçirildiyini söyləyən Rusiya MN rəsmisi uçuşlardan 145-nin strateji raketdaşıyıcı təyyarələrlə və uzaq bombardmançı aviasiya ilə həyata keçirildiyini qeyd edib: "Rusiyanın hərbi kosmik qüvvələri gündəlik olaraq terrorçuların əsas infrastrukturuna, hərbi texnika və canlı qüvvəsinin yerləşdiyi obyektlərə raket zərbələri endirir".
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
