Bakı. Musa Əhmədov - APA-Economics. Dünya bazarında neft ucuzlaşmaqda davam edir.
"APA-Economics" xəbər verir ki, Nyu-Yorkun NYMEX əmtəə birjasında keçirilən elektron ticarət əməliyyatlarının gedişində WTI neftinin qiyməti 1 barelə görə 0,18 dollar azalaraq 47,46 dollar təşkil edib.
ICE London qitələrarası birjasında Brent markalı neftin 1 barelinin dəyəri 0,04 dollar azalaraq 48,37 dollar olub.
Qeyd edək ki, neftin ucuzlaşmasına səbəb kimi Böyük Britaniyanın Avropa İttifaqından çıxması ilə bağlı keçirilən referendumdan ("Brexit") sonra bazarlarda qeyri-sabit vəziyyətin qalması göstərilir.