Bakı – APA. “Bundan sonra ancaq öz adım və şərəfim uğrunda mübarizə aparacam. FİFA məni daha maraqlandırmır”. Apasport.az saytı xəbər verir ki, bu sözləri FİFA-nın sabiq prezidenti Yozef Blatter deyib.
Korrupsiyada günahlandırıldığı üçün UEFA prezidenti Mişel Platini ilə birlikdə 8 il müddətinə futbol fəaliyyətindən uzaqlaşdırılan Blatter Almaniya mətbuatına danışıb.
Açıqlamasında özünə bəraət qazandırmağa çalışan isveçrəli bunları əlavə edib: “Məni şərəfim maraqlandırır, FİFA yox. Milad bayramından sonra özümə bəraət qazandırmalıyam. Mənə qarşı yönələn ittihamların əsassız olduğunu sübut etmək istəyirəm”.
Qeyd edək ki, Blatter 1998-ci ildən ali futbol qurumuna rəhbərlik edirdi.