Bakı. Etibar Məmmədov – APA. Müsavat Partiyası başqanının müavini Tofiq Yaqublu Azərbaycan Xalq Cəbhəsi Partiyasının (AXCP) sədri Əli Kərimli ilə görüşüb.
Bu barədə APA-ya T. Yaqublu məlumat verib. O bildirib ki, görüşdə Müsavat Partiyası və AXCP arasında hazırkı münasibətlər, yaranan narazılıqlar müzakirə olunub: “Bir-birimizə qarşılıqlı suallarımız oldu. Bəzi məsələlər barədə fikir bildirdik, problemlərə toxunduq. Ancaq ümumilikdə, Əli Kərimli mənim AXCP və Müsavat arasındakı münasibətləri düzəltməklə bağlı təşəbbüsümü normal qarşıladı. Mən inanıram ki, bu istiqamətdəki fəaliyyətim öz bəhrəsini verəcək və bu iki partiya arasındakı narazılıqlar aradan qaldırılacaq”.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
