Bakı. Ramiz Mikayıloğlu-APA. Nazirlər Kabineti “Azərbaycan Respublikası Dövlət Sərhəd Xidmətinin hərbi qulluqçularının hərbi geyim forması və əşya əmlakı ilə təminat normaları”nda dəyişikliklər edib.
APA-nın məlumatına görə, dəyişikliyə əsasən bundan sonra Dövlət Sərhəd Xidmətinin (DSX) generallarına 3 il müdəti üçün 1 dəst olmaqla kombinezonla kamuflyaj rəngli xüsusi istiləşdirilmiş gödəkcə, DSX-nin admirallarına 2 il müddəti üçün 1 dəst olmaqla göy rəngli yay səhra gödəkcəsi (poqonlarla), yay şalvarı və furajka, 2 il üçün 1 dəst göy rəngli istiləşdirilmiş səhra gödəkcəsi (poqonlarla) və istiləşdirilmiş şalvar, 1 il üçün 1 cüt qara rəngli uzunboğaz botinka verilcək.
DSX-nin kişi və qadın zabit, gizir və müddətdən artıq həqiqi hərbi xidmət hərbi qulluqçuları isə 3 il üçün 1 dəst kombinezonla kamuflyaj rəngli xüsusi istiləşdirilmiş gödəkcə, 2 il üçün 1 dəst göy rəngli yay səhra gödəkcəsi (poqonlarla), yay şalvarı və furajka, 2 il üçün 1 dəst göy rəngli qış səhra gödəkcəsi (poqonlarla) və qış şalvarı, 2 il üçün 1 dəst göy rəngli istiləşdirilmiş səhra gödəkcəsi (poqonlarla) və istiləşdirilmiş şalvar, 1 il üçün 1 dəst qara rəngli uzunboğaz botinka ilə təmin olunacaqlar.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
