Bakı – APA. DÇ-2018-in seçmə mərhələsində yığmamızla eyni qrupda yer alan Almaniya millisinin daha bir rəqibi məlum olub. Apasport.az-ın xarici mətbuata istinadən məlumatına görə, Bundestim Avropa çempionatının final mərhələsi öncəsi son yoldaşlıq görüşünü iyunun 4-də keçirəcək.
Martın 26-da Berlində İngiltərə, 3 gün sonra Münhendə İtaliya, mayın 29-da isə Auqsburqda Slovakiya ilə qarşılaşacaq almanlar iyunun 4-də Helzenkirhendə Macarıstanı sınağa çəkəcəklər.
Son qarşılaşmanın ardından baş məşqçi Yoahim Löv yekun heyəti müəyyənləşdirəcək və komandasını qitə birinciliyinin keçiriləcəyi Fransaya aparacaq. Avropa çempionatının qrupunda isə Almaniya müvafiq olaraq, Ukrayna (12 iyun), Polşa (16 iyun) və Şimali İrlandiya (21 iyun) ilə qarşılaşacaq.
Qeyd edək ki, almanlar DÇ-2018-in seçmə mərhələsində Azərbaycan millisi ilə yanaşı, Norveç, Çexiya, Şimali İrlandiya və San Marino ilə eyni qrupda yarışacaq. Yığmamızın almanlarla oyunları gələn ilə təsadüf edir. Martın 26-da Bakıda qəbul edəcəyimiz rəqiblə oktyabrın 8-də səfərdə üz-üzə gələcəyik.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
