Bakı. Cavid Zeynallı – APA. Yazıçı Mirmehdi Ağaoğlunun “Bu gün səbr elə” adlı yeni kitabı çapdan çıxıb.
APA-nın məlumatına görə, “Ol” nəşriyyatında işıq üzü görən kitaba müəllifin eyniadlı romanı daxildir.
Roman rayondan Bakıya dolanışıq dalınca gəlib kirayədə yaşayan və borc-kredit içində boğulan bir ailənin düşdüyü tragikomik vəziyyəti anladır.
“Bu gün səbr elə” müəllifin sayca üçüncü kitabıdır. Kitabın redaktoru Ağa Cəfərlidir.
Kitabın təqdimatı yaxın günlərdə keçiriləcək.