Bakı. Aqşin Rafiqoğlu - APA-Economics. 2015-ci ilin dekabr ayı ərzində Bakı-Tbilisi-Ceyhan (BTC) əsas ixrac boru kəməri vasitəsilə 2 mln. 461 min 645 ton Azərbaycan nefti nəql olunub.
“APA-Economics”in SOCAR-a istinadən verdiyi məlumata görə, bu, 2014-cü ilin dekabr ayı ilə müqayisədə 0,05% azdır.
Ötən ilin yanvar-dekabr aylarında bu kəmərlə 28 mln. 835 min 543 ton neft ötürülüb. Bu da 2014-cü ilin analoji dövrü ilə müqayisədə 1,14% çoxdur.
Ümumiyyətlə, kəmər istifadəyə verilən gündən 2016-cı il yanvar ayının 1-ə qədər BTC-yə 292 mln. 675 min 389 ton neft vurulub.
Bundan başqa, 2015-ci ilin dekabr ayında BTC kəməri ilə 316 min 340 ton Türkmənistan və Qazaxıstan nefti nəql olunub. Ümumiyyətlə, 2015-ci il ərzində BTC kəməri ilə nəql olunmuş Qazaxıstan və Türkmənistan neftinin həcmi 23 mln. 683 min 545 ton təşkil edib.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
