Bakı - APA-Economics. İndiyədək İqtisadiyyat Nazirliyinin Sahibkarlığa Kömək Milli Fondu (SKMF) tərəfindən 1830 məcburi köçkün sahibkara 38,7 mln. manat güzəştli kredit verilib.
İqtisadiyyat Nazirliyindən "APA-Economics"ə verilən məlumata görə, bu barədə SKMF-nin icraçı direktoru Şirzad Abdullayev bildirib.
Bu gün Kəlbəcərdən olan məcburi köçkünlərin müvəqqəti məskunlaşdığı Yevlax rayonunda sahibkarlığın güzəştli kreditləşdirilməsi məsələlərinə dair işgüzar forumda Ş. Abdullayev qeyd edib ki, bu kreditlərin reallaşdırılması nəticəsində 3400-dən çox yeni iş yerinin yaradılması mümkün olub.
Forum çərçivəsində müvəkkil kredit təşkilatları vasitəsilə Kəlbəcərdən olan 20 məcburi köçkün sahibkara 100 min manat güzəştli kredit verilib. Bu layihələrin reallaşması 20 yeni iş yerinin yaradılmasına imkan verir.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
