Bakı-APA. Avropa İttifaqı Liviyada baş vermiş qanlı terror aktından sonra bu ölkəyə 100 milyon avro məbləğində yardım ayıracaq.
APA-nın TASS agentliyinə istinadən verdiyi məlumata görə, bunu Avropa İttifaqı diplomatiyasının rəhbəri Federika Moqerini bəyan edib.
Zliten şəhərində hərbi təlim düşərgəsində törədilən terror aktını pisləyən F.Moqerini Liviyada təhlükəsizliyin təmin edilməsi və xalqın ehtiyaclarının təmin edilməsinin əhəmiyyətini vurğulayıb.
Xatırladaq ki, yanvarın 7-də Liviyanın paytaxtı Tripolidən 160 km şərqdə yerləşən Zliten hərbi təlim düşərgəsində baş verən terror aktı nəticəsində 70 nəfər ölüb, 200 nəfər yaralanıb.
Bizi Telegram-da izləyin
t.me/apa_az
Bizi Instagram-da izləyin
Bizi Facebook-da izləyin
Bizi Twitter-da izləyin
