BMT iqlim dəyişikliyi üzrə Paris razılaşmasının reallaşdırılması planını təsdiqləyib.
APA-nın “AFP” agentliyinə istinadən verdiyi xəbərə görə, müvafiq sənəd Mərakeşdə keçirilən beynəlxalq konfransda qəbul edilib.
Fəaliyyət planını imzalayan dövlətlər əldə olunacaq irəliləyişi qiymətləndirmək üçün 2017-ci ildə yeni görüş keçirəcəklər.
Qeyd edək ki, Paris Razılaşması 12 dekabr 2015-ci ildə BMT-nin İqlim Dəyişikliyi üzrə Çərçivə Konvensiyasına (UNFCCC) üzv ölkələrin 21-ci konfransında qəbul olunub. Razılaşma 2016-cı il, noyabrın 4-dən qüvvəyə minib.