Bu gün Bakı Ağır Cinayətlər Məhkəməsində dələduzluqda təqsirləndirilən Elman Mahmudovun cinayət işi üzrə məhkəmə prosesi başa çatıb.
APA-nın xəbərinə görə, hakim Səbuhi Hüseynovun sədrliyi ilə keçirilən prosesdə hökm oxunub.
Hökmə əsasən, E. Mahmudov 8 il müddətinə azadlıqdan məhrum edilib.
Qeyd edək ki, təqsirləndirilən şəxs Bakı sakini S. Kərimovanın etibarından sui-istifadə edərək, onu mənzillə təmin edəcəyinə söz verib. Bunun müqabilində zərərçəkmişdən 21 min manat pul alaraq geri qaytarmayıb.